Ammore antico - di Dansalvarea

Sei in: Autori emergenti > testi pubblicati > Poesia dialettale > Ammore antico

L'autore si assume la responsabilità di quanto pubblicato.

Chesto d’ogge nun è ammore...
Mo si joca a piglia e lassa...

Vocca e vocca,
core e core...
cu nu sciore e cu nu vaso...
cu calamaro e penna...
suspirava na nennélla...

Mo ll’ammore ’e femmena,
è nu ricamo ’e chiacchiere:
parole ca lusingano,
se scordano ’e prumesse...
è na buscía...
na fantasía...
ca vène e se ne va..

Ll’ammore, chi t’’o ddá?

Preferisco ’ammore antico
ca fa spantecá...

Comme te dá na gioja, te dá na pena...
Ma si doce te guarda e t’accarezza,
te dá ’o calore d’’a felicitá.